അവരെ
പിടിച്ചു മാറ്റാനോ ഇടപെടാനോ പോകരുത്.. എന്തിനാ നല്ലൊരു തല അവര്ക്ക് തട്ടി
കളിക്കാന് കൊടുക്കുന്നെ..പിന്നെ ഒരു വട്ടം അടി കഴിഞ്ഞാല് തീര്ന്നു എന്ന് കരുതി
ആരും പിരിഞ്ഞു പോകരുത്..ഒരു അഞ്ചു മിനിറ്റ് കൂടി കഴിഞ്ഞാല് ഒന്നുകൂടി ഉണ്ടാകും..
ഞാന് രണ്ടു ചപ്പാത്തിക്കും ഒരു ബീഫ് കറിക്കും
ഓര്ഡര് ചെയ്തു അടി നടക്കുന്ന ഭാഗത്തേക്ക് കസേര തിരിച്ചിട്ടു
കാത്തിരുന്നു..കുറച്ച് കഴിഞ്ഞപോള് കയ്യില് വലിയൊരു ജിഐ പൈപ്പുമായി ഈര്ക്കില്
പോലത്തെ സൗദി മിസ്രിക്ക് നേരെ കുതിച്ചു വന്നു..ഒറ്റയടിക്ക് ഫലാഫല് കടയുടെ ചില്ല്
തകര്ത്തു കളഞ്ഞു ആ പഹയന്..മൂക്ക് നീണ്ട മസ്രി ഫലാഫല് എണ്ണയില് നിന്നും
കോരിയെടുക്കുന്ന അരിപ്പ തവിയെടുത്ത് പുറത്തേക്ക് ചാടി വീണു....ആരൊക്കെയോ ചേര്ന്ന്
രണ്ടു ട്ടീമിനെയും പിടിച്ചു മാറ്റുന്നുണ്ട്...കബഡി മത്സരത്തില് വരയില് തൊടാന്
പാടുപെടുന്ന കളിക്കാരനെ പോലെ സൗദിചെക്കന് എങ്ങനെയോ ഏന്തി വലിഞ്ഞു ഫലാഫിലിന്
കുഴച്ചു വെച്ച മാവിന്റെ പാത്രമെടുത്ത് നമ്മുടെ മൂക്കന്റെ മോന്തക്ക്
കമയ്ത്തി..മിസ്രിയുടെ നീളന് മൂക്കൊഴിച്ച് ബാക്കിയെല്ലാം മാവിനുള്ളിലായി..കണ്ടു
നിന്നവരെല്ലാം ചിരിച്ചു..ചിരിക്കുന്ന കൂട്ടത്തില് സൗദിയെ പിടിച്ച് നിര്ത്തിയവരുടെ
പിടുത്തം ആയിഞ്ഞു..അവന് കുതറി വന്നു അരിപ്പ തവി എടുത്ത് മസ്രിയുടെ തലയ്ക്ക് ഒരടി
കൂടി കൊടുത്തു..അതോടെ പ്രതിഭാഗം വാദം അവസാനിപ്പിച്ചു.താഴെ വീണു.
എങ്ങനാ ചിരിക്കാണ്ട് നിക്കാ..ഞാന് നല്ലോണം
ചിരിച്ചു..എന്റെ ചിരി കണ്ട് മലയാളി ഹോട്ടലിലെ പണിക്കാരും ഓടി എന്റെ മുന്നില്
വന്നു നിന്നു..അവരെ മറഞ്ഞിട്ട് എനിക്ക് ഒന്നും കാണാനും പറ്റുന്നില്ല..മിക്കവാറും ആ
അടി കാണാന് ഇവിട വേറൊരു അടി നടക്കും..അതിലൊരുത്തനെ മലവെള്ളപ്പാചിലില് നിന്ന് തടി
വലിച്ചിടും പോലെ വലിച്ച് ഇപ്പുറത്തേക്ക് ഇട്ടു..
ശെടാ..അപ്പോഴേക്കും അടി കഴിഞ്ഞു..പോലീസ് വണ്ടികള്
ഒന്നുരണ്ടെണ്ണം വന്നു..അപ്പോഴേക്കും കണ്ടു നിന്ന കുറേപേര് ചിതറിയോടി..പിന്നെ
അന്യേഷിച്ചപ്പോഴാ അറിഞ്ഞത്..എവിടെയും പിടികൊടുക്കാതെ മുങ്ങിനടക്കുന്ന ഇക്കാമയില്ലാ
വിരുതന്മാരായിരുന്നു അവരെന്ന്..
പത്ത് മിനിറ്റ് അനുരഞ്ജന മീറ്റിംഗ്
നടന്നു..സ്ഥലത്തെ പ്രധാനികളെല്ലാം പങ്കെടുത്തു..മൂക്കനെ കുറെ ഊക്കന്മാര് ചേര്ന്ന്
തൂക്കിയെടുത്ത് ആശുപത്രിയില് കൊണ്ടുപോയി..ആ തക്കത്തിന് നേരത്തെ സാന്റ് വിച് വാങ്ങിയവര്
പൈസ കൊടുക്കാതെ എതിലൂടെയൊക്കെയോ മുങ്ങി..ഈര്ക്കില് സൗദിയും വന്ന പോലീസുകാരനും
ഒരു പത്തുമിനിറ്റ് തുരുതുരെ ഉമ്മ വെച്ചുകളിച്ചു സലാമും പറഞ്ഞു രണ്ടു വഴിക്ക്
പോയി..ഞാന് നേരത്തെ മറഞ്ഞു നിന്നപ്പോള് കാണാന് കഴിയാഞ്ഞ ഭാഗം കൂടി
കണ്ടുനിന്നവരോട് ചോദിച്ച് മനസ്സിലാക്കി എന്റെ റൂമിലേക്കും നടന്നു..പോകുന്ന വഴി
അശുഭവാര്ത്താപ്രിയരായ എന്റെ സുഹൃത്തുക്കളോടും കാര്യങ്ങള് പറയാന് ഞാന് മറന്നില്ല..
-----------------------------------------------------------------------------------------
on fb:-http://goo.gl/4cXjfx
-----------------------------------------------------------------------------------------
on fb:-http://goo.gl/4cXjfx
No comments:
Post a Comment